पहिलो शताब्दीको कोरिन्थका इसाईहरूलाई लेखिएको यस पत्रमा, त्यस्ता धेरै प्रश्‍नहरूलाई सम्‍बोधन गरेका छन्, र लगभग तिनै प्रश्‍नहरूले आजको मण्डलीलाई पनि समस्यामा परिरहेको छ। डुअने वार्डेन (Duane Warden) ले एक-एक पद गरी अघि सार्नुभएका यस अध्ययनले बाइबलीय पुस्तकका कठिन समस्याहरूलाई खोजतलास गर्छ र हाम्रो आफ्‍नै समयको लागि इसाई जीवन कसरी जिउनुपर्छ भन्‍ने कुराबारे व्यवहारिक ज्ञान प्रस्तुत गर्छ।

विभाजन, अनैतिकता, सैद्धान्तिक अन्यौलता, र सांसारिकपनले यस मण्डली झुण्डलाई ग्रस्त बनाएको थियो; र तिनीहरूको विवादको एउटा जरा—घमण्ड—आज पनि हाम्रो माझमा यथावत् छ। यी समस्याहरूलाई जित्‍नको लागि चाहिने चावी, “अमूर्तदेखि मूर्तमा परिवर्तन गरिएको” प्रेम नै हो भन्‍ने कुरा पावललाई थाहा थियो। १३ पदमा उनले दिएको उत्कृष्ट र परिचित छलफलमा, प्रेमद्वारा साँचो रूपमा उत्प्रेरित भएका ख्रीष्टका जनहरूले अरूप्रति कस्तो व्यवहार गर्नुपर्छ भन्‍ने कुरालाई प्रेरितले परिभाषित र व्याख्या गरेका छन्। यस खण्डमा सिकाइएका सिद्धान्तहरूलाई आजका इसाईहरूले पालन गरेमा, धेरै समस्याहरू समाधान हुनेछन् र येशूले जुन मण्डलीको कल्‍पना गर्नुभएको थियो र जुन मण्डलीलाई बचाउनको लागि आफ्‍नो जीवन दिनुभयो, मण्डली त्यस्तै हुनेछ।