एफिसीहरूलाई पावलले लेखेको पत्रमा “ख्रीष्‍टमा” इसाईहरूले प्राप्त गर्ने महान आत्मिक आशिषहरूको बारेमा व्याख्या गर्छ। हाम्रा प्रभु पिताको दाहिनेहात तर्फ उचालिनुभएको छ, र उहाँले आफ्‍नो मण्डलीमाथि राज्य गरिरहनुभएको छ भन्‍ने कुरालाई यसले जोड दिन्छ। विविध सदस्यहरूद्वारा निर्मित यो एउटै शरीरलाई विश्‍वास र परमेश्‍वरको अनुकरण गर्ने जीवनशैलीमा रही एकतामा रहने आह्‍वान गरिएको छ। हामी एउटा आत्मिक युद्धमा छौं जसको निम्ति हामीलाई परमेश्‍वरका सम्पूर्ण हातहतियारको आवश्यकता पर्छ र सँधै सतर्कता रहनुपर्छ भन्‍ने कुराबारे पनि यसले हामीलाई स्मरण गराउँछ।

सुसमाचार फैलाउने कार्यमा सहभागी हुने इसाईहरूलाई फिलिप्पीको पत्रले तारिफ गर्छ। एउटै आत्मामा एकीकृत भएर स्वर्गको राज्यका नागरिकहरूका रूपमा जीवन जिउनको लागि पावलले विश्‍वासीहरूलाई चुनौती दिएका छन्। यो एकता ख्रीष्‍टको अनुकरण गरेर प्राप्त गर्न सकिन्छ जसले आफ्‍नो देहधारणमा र पृथ्वीमा नम्रताको उदाहरण प्रस्तुत गर्नुभयो। ख्रीष्‍टले जस्तै, हामीले पनि उचालिनुभन्दा पहिले कष्ट र सतावटको अनुभव गर्नुपर्छ।

जे लोकहर्ट (Jay Lockhart) र डेभिड एल. रोपर (David L. Roper) ले यी पत्रहरूको चुनौतीपूर्ण यात्रामा पाठकहरूलाई सहभागी गराउनको निम्ति आफ्‍नो वर्षौंको अध्ययन र सेवकाइको अनुभवबाट कलम चलाउनुभएको छ। परमेश्‍वरको वचनका सबै विद्यार्थीहरूले यो अध्ययनबाट लाभ उठाउनेछन्।