ಈ ಕೋರ್ಸಿನೊಳಗೆ, ವಿಲಿಯಂ ಡಬ್ಲ್ಯೂ. ಗ್ರಾಶಮ್ನು (William W. Grasham) ಆದಿಕಾಂಡದ ಸಮಗ್ರವಾದ ಅಧ್ಯಯನವನ್ನು ಪೂರ್ತಿಗೊಳಿಸುತ್ತಾರೆ. ಈ ಆರಂಭಗಳ ಪುಸ್ತಕದ ಕಡೆಯ ಅರ್ಧ ಭಾಗದ ಮುಖಾಂತರವಾಗಿ ಸಾಗಿ, ಆತನು ಅಬ್ರಹಾಮನ ಜೀವಿತದ ಅಂತ್ಯದಿಂದ ಮುಂದಕ್ಕೆ ಇಸಾಕ ಮತ್ತು ಯಾಕೋಬರ ಕಥನಗಳ ಕಡೆಗೆ ಹೋಗುತ್ತಾನೆ. ತರುವಾಯ ಯೋಸೇಫನ ಜೀವಿತದ ಕುರಿತು ಒಂದೊಂದು ವಚನದ ಒಂದು ಅತ್ಯುತ್ತಮವಾದ ಅಧ್ಯಯನವನ್ನು ತಿಳಿಸಿ ಕೊಡುತ್ತಾನೆ, ಅದು ದೇವರು ಯಾವಾಗಲೂ ತೆರೆಮರೆಯಲ್ಲಿದ್ದು, ತನ್ನ ದೈವಾನುಗ್ರಹದ ಯೋಜನೆಗಳು ಮತ್ತು ಉದ್ದೇಶಗಳಿಗೆ ಅನುಗುಣವಾಗಿ ಅನುಕೂಲ ಮಾಡುವವನಾಗಿದ್ದಾನೆ ಎಂಬುದರ ನಿದರ್ಶನವಾಗಿರುತ್ತದೆ.

ದೇವರ ಕರೆಯಲ್ಪಟ್ಟಿರುವ ಜನರ ಕುರಿತಾದ ಈ ಇತಿಹಾಸದಲ್ಲಿನ ಮುಖ್ಯವಾದ ವೈಶಿಷ್ಟ್ಯವು ಅವನೊಂದಿಗೆ ಅವರಿಗಿರುವ ಸಂಬಂಧವೇ. ದೇವರು ತನ್ನ ಜನರ ಸಂಗಡ ನಡೆದುಕೊಂಡ ರೀತಿಗಳು ಆತನ ದೈವಿಕ ಸ್ವಭಾವವನ್ನು ತೋರಿಸಿ ಕೊಡುತ್ತದೆ: ಆತನ ನೀತಿ ಮತ್ತು ರೌದ್ರ, ಏರ್ಪಾಡು ಮತ್ತು ದಂಡನೆ, ಮತ್ತು ಎಲ್ಲಾ ವಾಗ್ದಾನದಲ್ಲಿ ನಂಬಿಗಸ್ತಿಕೆ. ಇಂದು ಪ್ರತಿಯೊಬ್ಬ ವ್ಯಕ್ತಿಯ ಜೀವಿತದಲ್ಲಿ ಪ್ರಮುಖವಾದ ಪಾತ್ರವನ್ನು ವಹಿಸಲು ಯೋಗ್ಯನಾದ ಏಕೈಕ ಸತ್ಯ ದೇವರು ಈತನಾಗಿರುವನು. ಈ ಕಥನಗಳ ಮುಖಾಂತರವಾಗಿ ಸಹೋದರ ಗ್ರಾಶಮ್ ಜೊತೆಯಲ್ಲಿ ಹತ್ತಿರದಿಂದ ಆತನನ್ನು ನೋಡುವ ಯಾರೇ ಆಗಲಿ ದೇವರನ್ನು ಇನ್ನಷ್ಟು ಚೆನ್ನಾಗಿ ಅರಿತುಕೊಳ್ಳುವರು. ಬೋಧಿಸುವವರಿಗೆ ಮತ್ತು ಉಪದೇಶಿಸುವವರಿಗೆ ಪಾಠಗಳನ್ನು ಇನ್ನಷ್ಟು ವಿಸ್ತರಿಸುವಂತಾಗುವ ಹಾಗೆ ಅನ್ವಯಿಸುವಿಕೆಗಳು ವಿವಿಧ ದೃಷ್ಟಾಂತಗಳನ್ನು ಮತ್ತು ಪ್ರಸಂಗಗಳನ್ನು ಒಳಗೊಂಡಿವೆ.