ಸುವಾರ್ತೆಗಳಲ್ಲಿ ಬರೆಯಲ್ಪಟ್ಟಿರುವದನ್ನು ಓದುವಾಗ ಪ್ರತಿಯೊಬ್ಬ ಕ್ರೈಸ್ತನು ಸಹ ರೋಮಾಂಚನಗೊಳ್ಳಬೇಕು. ಯೇಸುವಿನ ಜೀವನದ ಘಟನೆಗಳನ್ನು ಅವುಗಳ ನಡೆದ ಕಾಲಘಟ್ಟದಲ್ಲಿ ವಿವರಿಸುವವನಾಗಿ, ಡೇವಿಡ್ ಎಲ್. ರೋಪರ್ ನಮ್ಮನ್ನು ಒಂದು ಕಲಿಕಾ ಅನುಭವಕ್ಕೆ ಕರೆದೊಯ್ದು ಯೇಸುವಿನ ಜೀವನದಲ್ಲಿ ನಡೆದ, ಆತನ ಮಾತುಗಳು, ಸಂಭಾಷಣೆಗಳು, ಮತ್ತು ಕ್ರಿಯೆಗಳೂ ಸೇರಿದಂತೆ ಲಭ್ಯವಿರುವ ಎಲ್ಲಾ ಮಾಹಿತಿಗಳನ್ನು ಮುಂದಿಡುತ್ತಾರೆ, ಅಲ್ಲದೆ ವಾಚಕನು ಅವುಗಳನ್ನು ಜೀವಿತಕ್ಕೆ ಅಳವಡಿಸಿಕೊಳ್ಳುವಂತೆ ಪ್ರೋತ್ಸಾಹಿಸುತ್ತಾರೆ. ರೋಪರ್ ನಮಗೆ ಪ್ಯಾಲೆಸ್ಟೈನ್ ಭೌಗೋಲಿಕತೆ, ಅದರ ಜನರ ಪದ್ಧತಿ ಹಾಗೂ ಸಂಪ್ರದಾಯಗಳನ್ನು ಮತ್ತು ಯೇಸುವನ್ನು ಸುತ್ತುವರೆದಿದ್ದ ವಿವಿಧ ಜನರ ಗುಂಪುಗಳ ನುಡಿ ಚಿತ್ರಗಳನ್ನು ವಿವರಿಸುವ ಮೂಲಕ ಕ್ರಿಸ್ತನ ಜೀವನ ನಮ್ಮ ಹೃದಯಗಳಲ್ಲಿ ಉರಿಯುವಂತೆ ಮಾಡುತ್ತಾರೆ. ಈ ಕೋರ್ಸ್ ನಮಗೆ ಯೇಸು ತಂದೆಯಿಂದ ತೆಗೆದುಕೊಂಡ ಬಂದ ಸಂದೇಶವನ್ನು ಮಾತ್ರವೇ ನಮ್ಮ ಮುಂದೆ ತರುವದಿಲ್ಲ, ಆದರೆ ಆತನ ಜೀವಿತದ ವಾತಾವರಣವನ್ನು ರೂಪಿಸಿದಂಥ ಶಬ್ಧಗಳು ಹಾಗೂ ದೃಶ್ಯಗಳನ್ನು, ದೂಳು ಮತ್ತು ಜೀವನದ ಪರಿಸ್ಥಿತಿಗಳನ್ನು, ಹಗಲು ಹಾಗೂ ರಾತ್ರಿಗಳನ್ನು ಸಹ ನಮ್ಮ ಕಣ್ಣುಗಳ ಮುಂದೆ ತಂದು ನಿಲ್ಲಿಸುತ್ತದೆ. ಈ ಕೋರ್ಸ್ ನ ಪಠ್ಯವನ್ನು ಜಾಗ್ರತೆಯಿಂದ ಓದುವ ಯಾವನೂ ಸಹ ನಂತರ ಮುಂಚೆ ಇದ್ದ ವ್ಯಕ್ತಿಯಾಗಿ ಉಳಿಯುವದಿಲ್ಲ. ಯೇಸುವಿನೊಂದಿಗೆ ನಡೆದಾಡಿ, ಆತನ ಉಪದೇಶಗಳನ್ನು ಆಲಿಸಿ, ಆತನು ತನ್ನ ಕಾಳದ ಜನರೊಂದಿಗೆ ಸಂಭಾಷಿಸುವದನ್ನು ನೋಡಿ, ಆತನ ಮರಣ ಹಾಗೂ ಪುನರುತ್ಥಾನಕ್ಕೆ ಸಾಕ್ಷಿಯಾದ ಬಳಿಕವೂ ಯಾರಾದರೂ ಮಾರ್ಪಡದೆ ಇರುವದಕ್ಕೆ ಸಾಧ್ಯವೋ!